Shefi i Grupit Parlamentar të Aleancës për Ardhmërinë e Kosovës, Besnik Tahiri, ka kritikuar qeverinë lidhur me rikthimin e reduktimeve, raporton Gazeta10.

Ai ka thënë se kësaj politike duhet thënë stop sot sepse nesër do të jetë vonë.

Tahiri e ka konsideruar këtë si një test të pushtetit për të parë nëse durohen reduktimet e energjisë e që më pas ato të ashpërsohen.

Këtu keni postimin e plotë:

“Paralajmërimi i reduktimeve në pikë të verës, është asgjë më shumë se paralajmërim i një fushate psikologjike të Qeverisë Kurti.

Është thirrje që të bëhemi gati për një dimër të gjatë. Është test i durimit, është test i manovrimit, është test i mashtrimit.

Po na matet pulsi, që nëse durojmë 2 orë verës, do të mund të duronim edhe 12 orë dimrit.

Kësaj duhet thënë stop tani, ndryshe do jetë vonë!”, ka shkruar Tahiri në llogarinë e tij në Facebook.

Përndryshe, KEDS mbrëmë vonë ka njoftuar se Kosova do të futet në reduktime 6:2 në të gjithë vendin. Kjo ka ngjallur reagime kundërshtuese nga opozita dhe Shoqëria Civile. / Gazeta10