Një refuzim i bërë së fundi nga Komisioni Evropian sipas kreut të Asociacionit të Komunave të Kosovës, Sazan Ibrahimi mund t’i kushtoj vendit deri në 15 milionë euro.

Kjo sipas tij,  si shkak i papërgjegjësisë totale nga Ministria e Administrimit të Pushtetit Lokal.

“Komunat po rrezikojnë shumëçka por tashmë jemi duke e diskutuar një refuzim nga Komisioni Evropian për MAPL-në që mund t’i kushtoj komunave të republikës së Kosovës deri në 15 milionë euro. Këto mjete financiare janë të dedikuara për komunat në kuadër të projektit Demos. Problemi ka lindur në takimin e fundit të komunitetit drejtues ku ka pasur kohë 30 ditë MAPL-në që vërejtjen nga ky komision ti inkoperoj, mirëpo sipas mendimit tonë ministria ka treguar papërgjegjësi totale“, deklaroi ai në emisionin “Gazeta” të Kanal10.