Gazeta10

Rohde thotë se është e rëndësishme “që të arrihet një momentum në bisedimet me Serbinë”

Sot në Komisionin për Integrim Evropian, ambasadori i Gjermanisë në Kosovë, Jorn Rohde, ka bërë thirrje që Kosova të bëjë më shumë përpjekje për zbatimin e marrëveshjeve të arritura deri tash me Serbinë.

Sipas Rohde, është shumë e rëndësishme “që të arrihet një momentum në bisedimet me Serbinë”.

“Gjermania i ka ofruar asistencë të madhe shtetit të Kosovës në arritjen e reformave. Kosova ka mbetur e përkushtuar në dialogun e lehtësuar nga BE-ja, por duhet akoma përpjekje për zbatimin e marrëveshjeve të arritura. Raporti për Kosovën duhet të shihet që të na kujtojë të gjithëve se cilat reforma duhet të bëhen që Kosova të avancojë në qëllimin e saj që të bëhet anëtare e BE-së. Reformat nuk duhet bërë vetëm nga Qeveria, por edhe nga Kuvendi”, tha Rohde gjatë takimit në Komisionin për Integrim Evropian.

Ambasadori gjerman në Kosovë, Jorn Rohde, foli për mungesën e bashkëpunimit pozitë e opozitë, me ç’rast tha se si shkak i mosvotimit të Marrëveshjeve Ndërkombëtare, Kosova i humb 400 milionë euro.

Ambasadori gjerman tha po ashtu se sfiduese për Kosovën mbetet lufta ndaj korrupsionit, reforma e administratës publike dhe sundimi i ligjit.

NË FOKUS

gresa
Gresa Behluli flet për gjendjen shëndetësore të babait të saj që u godit nga një veturë
shkurtja hajrushi
Burri i Shkurte Fejzës goditet nga një veturë
ermal
“Po lajmëroj largimin tim…”, Ermal Fejzullahu habit me postimn e fundit
policia-naten-1-600x347-1
Rast tragjik në autostradën ‘Arbën Xhaferi’: Kjo është e reja që u gjet pa shenja jete
hajrush shkurte
Spitali i Prizrenit deklarohet rreth gjendjes shëndetësore të burrit të Shkurte Fejzes
ajazi
Dy muaj pasi humbi fëmijën, ndërron jetë drejtoresha e Dhomës Ekonomike të gruas
gresa
Gresa Behluli del me një njoftim të rëndësishëm pasi babai i saj u godit nga një veturë
reagimi-Behluli
Burri i Shkurte Fejzës i reagon ashpër Shefqet Krasniqit, e quan atë psikopat