Rusia “nuk ka nevojë” të përdorë armë bërthamore në Ukrainë, tha ministri i saj i mbrojtjes të martën, duke i përshkruar spekulimet e mediave se Moska mund të vendosë armë bërthamore ose kimike në konflikt si “gënjeshtra absolute”, shkruan Reuters, transmeton Gazeta10.

“Nga pikëpamja ushtarake, nuk ka nevojë të përdoren armë bërthamore në Ukrainë për të arritur qëllimet e përcaktuara. Qëllimi kryesor i armëve bërthamore ruse është të pengojë një sulm bërthamor,” tha Sergei Shoigu gjatë një fjalimi në një konferencë ndërkombëtare të sigurisë në Moskë.

“Mediat po përhapin spekulime për përdorimin e supozuar të armëve bërthamore taktike ruse gjatë operacionit special ushtarak, ose për gatishmërinë për të përdorur armë kimike. Të gjitha këto sulme informative janë gënjeshtra absolute”, ka shtuar ai.

Shoigu gjithashtu pretendoi se operacionet ushtarake ukrainase po planifikoheshin nga Shtetet e Bashkuara dhe Britania dhe se NATO kishte rritur vendosjen e trupave të saj në Evropën Lindore dhe Qendrore “disa herë”. / Gazeta10