Kancelari gjerman Olaf Scholz do të vizitojë Kinën, i shoqëruar nga një delegacion biznesmenësh, në fillim të nëntorit, transmeton Gazeta10.

Scholz kishte kohë që planifikonte këtë vizitë, të parën në ekonominë e dytë më të madhe në botë.

Takimi do të zhvillohet dy javë para samitit të G20 në Bali të Indonezisë, megjithëse vizita mund të mbahet edhe pas samitit.

Në samit pritet të marrin pjesë edhe presidenti kinez Xi Jinping dhe presidenti amerikan Joe Biden.

Ende nuk dihet nëse presidenti rus Vladimir Putin do të marrë pjesë.

Olaf Scholz ka të ngjarë të bëhet lideri i parë i një vendi perëndimor që viziton Kinën që nga shpërthimi i pandemisë së koronavirusit.

Udhëtimi i tij i parë në Azi ishte në Japoni, një vend anëtar i G7./Gazeta10