Kancelari gjerman, Olaf Scholz, ka publikuar fotografi nga samiti i djeshëm në Tiranë, ku ndër të tjera, ka thënë se Bashkimi Europian ka pritshmëri të larta nga Ballkani Perëndimor, raporton Gazeta10.

Olaf Scholz ka thënë se të gjitha vendet e Ballkanit Perëndimor janë pjesë e BE-së dhe se takimi dje në Tiranë është organizuar për herë të parë.

Më tej, ai ka thënë se nuk është arritur as shumë sa është menduar para pothuajse 20 viteve.

Scholz ka thënë se e ka thënë shumë qartë në Tiranë që vendet e Ballkanit Perëndimor duhet të distancohen nga Rusia përmes vendosjes së sanksioneve.

Më tej, ai ka thënë se samiti ka qenë një hap i rëndësishëm dhe një shenje shprese.

“Gjashtë vendet e Ballkanit Perëndimor janë pjesë e familjes evropiane. Ky sinjal buron nga samiti BE-Ballkani Perëndimor, ku mora pjesë sot së bashku me homologët e mi nga vendet e tjera anëtare të BE-së. Është mirë që ky takim i rëndësishëm u organizua për herë të parë në vetë rajonin – në kryeqytetin e Shqipërisë, Tiranë.

Pothuajse 20 vjet më parë, BE i tregoi Ballkanit Perëndimor perspektivën e anëtarësimit. Por ne nuk kemi arritur aq larg sa mendonim në atë kohë. Prandaj është e rëndësishme që ky proces i anëtarësimit të fitojë tani një shtysë të re.

Sigurisht, si BE, ne kemi pritshmëri të qarta edhe nga vendet e Ballkanit Perëndimor. Për shembull, ne presim që vendet e anëtarësimit të përafrohen me politikën e sanksioneve të Bashkimit Evropian ndaj Rusisë. E kam thënë shumë qartë në Tiranë.

Samiti i sotëm ishte një angazhim për zgjerimin e Bashkimit Evropian. Një hap i rëndësishëm i ndërmjetëm për vendet e Ballkanit Perëndimor – dhe një shenjë shprese“, ka shkruar ai në llogarinë e tij në Facebook. / Gazeta10