Shtetet e Bashkuara të Amerikës kanë vrarë liderin e organizatës terroriste, Al Kaedës, Ayman Al-Zawahiri, raporton Gazeta10.

Kjo ka ndodhur përmes një sulmi me dron në Kabul, Afganistan, nga ushtria amerikane.

Lajmi është bërë i ditur nga vet Presidenti i ShBA-së, Joe Biden, i cili ka thënë se ShBA e ka kryer me suksese këtë operacion.

Këtë aksion Biden e ka konsideruar si vendosje të drejtësisë.

Këtu keni postimin e plotë:

“Të shtunën, në drejtimin tim, Shtetet e Bashkuara të Amerikës me suksese zhvilluan një sulm ajror në Kablu, Afganistan, ku është vrarë lideri i Al-Kaedës, Ayman Al-Zawaihiri. Drejtësia është vendosur në vend”, ka shkruar Biden në llogarinë e tij në Facebook. / Gazeta10