Reshjet e shiut kanë ndikuar që të vështirësohet komunikacioni në disa rrugë të Kosovës.

Gazeta10 sjell pamje nga magjistralja Prishtinë- Ferizaj në të cilën është vështirësuar trafiku.

Në pamje shihet rruga e vërshuar nga shiu dhe si pasojë është rënduar qarukullimi i automjeteve.

Ndryshe, Policia e Kosovës ka dalë me një apel për të gjithë shoferët, pas reshjeve të shiut.

Përmes një postimi në faqen zyrtare, Policia ka apeluar tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë.

“Bazuar në situatën e tanishme ku kemi ndryshim të kushteve atmosferike dhe reshje të shiut, Policia e Kosovës APELON tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë”, thuhet në njoftim.