Zyrtarët thonë se numri i të vdekurve deri më tani është të paktën 41, me dhjetëra të plagosur pasi një zjarr shpërtheu në një kishë në lagje të Kajros së Madh në Egjipt, shumë prej tyre u shtypën gjatë një përpjekjeje të dëshpëruar për të shpëtuar, shkruan BBC News, transmeton Gazeta 10.

Rreth 5,000 njerëz ishin mbledhur në kishën kopte Abu Sifin në Imbaba, Giza, për shërbesat e mëngjesit të së dielës, thanë burimet e sigurisë për Reuters.

Sipas të dhënave spitalore, CNN raportoi se kishte rreth 18 fëmijë të moshës 3 deri në 16 vjet të mbytur nga shpërthimi.

Shërbimet zjarrfikëse thanë se shkaku i saktë i zjarrit mbetet i paqartë, megjithatë At Farid Fahmy, nga një kishë tjetër pranë në lagjen Imbaba, i tha agjencisë së lajmeve AFP se spërthimi ndodhi sepse u ndez nga një qark i shkurtër, shkruan BBC News.

“Elektriciteti ishte i fikur dhe ata po përdornin një gjenerator kur ndiznin rrymën, kjo shkaktoi një mbingarkesë”, tha At Farid Fahmy.

Besimtarët kanë shpjeguar momentet e tyre që nga ndezja e flakëve.

“Njerëzit po mblidheshin në katin e tretë dhe të katërt, dhe ne pamë tym që vinte nga kati i dytë. Njerëzit nxituan të zbrisnin shkallët dhe filluan të binin njëri mbi tjetrin,” tha Yasir Munir për Reuters./Gazeta 10