Një person ka hipur në murin e pendës së Liqenit të Livoçit me qëllim që ta lëndojë vetën.

Lajmin e ka konfirmuar  zëdhënësi i Policisë për Rajonin e Gjilanit, Ismet Hashanit.

Sipas Hashanit njësitet kanë dalë në vendin e ngjarjes të cilët po tentojnë ta bindin personin të largohet nga muri i pendës.

 “Ju njoftojmë se më datën 19.01.2024, rreth orës 19:40, kemi pranuar një informatë se te penda e  fshatit Livoq i epërme është një person Mashkull/Kosovar/Shqiptarë, rreth moshës 40 vjeç duke tentuar të lëndoj veten i cili ka hyp në murin e pendës dhe është duke qëndruar aty. Me pranimin e informatës, janë angazhuar të gjitha njësitet relevante, njësiti zjarrfikësve, ndihma e shpejtë, prokuroi dhe  psikolog nga spitali regjional. Deri në këto momente të gjitha këto njësite janë të angazhuar në vendin e ngjarjes duke provuar që të bindin personin që të largohet nga muri i pendës”, ka thënë Hashani për Gazeta10.