Shërbimi Spitalor Klinik dhe Universitar i Kosovës ka reaguar pas arrestimit të mjekut nën dyshimet e veprës penale “Marrje e ryshfetit”.

Në njoftimin e ShSKUK-së thuhet se shkelësit e ligjit nuk kanë vend në institucionet publike shëndetësore, transmeton Gazeta10.

“Drejtoria e ShSKUK-së është duke e përcjellë me vëmendje këtë situatë dhe do të ndërmarr të gjitha veprimet ligjore. Shkelësit e ligjit nuk kanë vend në institucionet publike shëndetësore. Ftojmë të gjithë qytetarët që të bashkëpunojnë dhe të raportojnë raste të parregullsive”, thuhet në njoftim.