Kryeministri Albin Kurti ka bërë të ditur se sot përsëri ka pranuar një telefonatë nga Shtetet e Bashkuara të Amerikës, raporton Gazeta10.

Përmes një postimi në Twitter, Kurti tha se pati një bisedë të sinqertë dhe të rëndësishme telefonike me nënsekretarin e shtetit, Derek Chollet.

Kurti tha se biseduan për domosdoshmërinë e një marrëveshjeje të plotë të normalizimit me Serbinë, me qendër njohjen reciproke.

“Bisedë e sinqertë dhe e rëndësishme telefonike me nënsekretarin e shtetit Derek Chollet për domosdoshmërinë e një marrëveshjeje të plotë të normalizimit me Serbinë me qendër njohjen reciproke, me fokus situatën e sigurisë në Kosovë së bashku me sundimin e ligjit”.

Ndryshe, çështja e konvertimit të targave KM në RKS dhe vendimet e Qeverisë që pas fazës së qortimit të vozitëseve të filloj faza e gjobitjes, kanë shkaktuar tensione në mes Kosovës dhe Serbisë./Gazeta10