Shqiptarët e Kosovës në diasporë vazhdojnë me sukesin e tyre në fushën e biznesit dhe ndërmarrësisë.

Në Gjermani, bashkatdhetari Isuf Gashi që udhëheq një firmë ndërtimore të suksesshme për meremetimin e kulmave prej 25 vjetësh, tani po vazhdon biznesin në një sektor të tjetër, raporton Gazeta 10.

Ai do ta hap furrën e parë me ushqime tradicionale që do të udhëhiqet nga vajza e tij. Furra me emrin LOLAS, është bashkim i shkronjave të para të fëmijëve të tij.

Bashkëatdhetari Gashi ka bërë të ditur se furra do të hapet ditën e dytë të Bajramit në  Bietigheim-Bissingen në Gjermani, dhe fton të gjithë bashkëatdhetarët t’i marrin pjesë dhe ta festojnë Bajramin me ushqime tradicionale shqiptare./Gazeta10