Në natën e mbrëmshme është sulmuar imami i xhamisë në Miradi të Epërme, Ali Ismaili, i cili ka thënë se “nga pozita e Kryesuesit të Kuvendit të Komunës dhe nga pozita e Imamit të Xhamisë në Miradi të Epërme, nuk i kam borgj askujt dhe gjithmonë punën time e kam kryer dhe do t’a kryej me ndershmëri dhe përgjegjësi të plotë, raporton Gazeta10.

“U sulmova fizikisht nga disa persona të panjohur, nga një veturë pikap pa tabela. Siç duket kërcënimet e mëhershme nuk paskan marrë fund dhe përveç kërcënimeve, tani dikush ka vendosur që t’a konkretizojnë edhe me sulme fizike”, ka shkuar Ismaili.

Ai në fund iu ka bërë thirrje organeve të rendit që siç ka thënë  këtë problem t’a hetojnë dhe t’a parandalojnë institucionalisht, sepse sot nuk u realizua, por nesër mund të ndodhë diçka edhe më e keqe. /Gazeta10/