Llapi pritet të sjellë prurje të reja në ekip para përmbylljes së merkatos së janarit.

Një gjë të tillë e ka deklaruar trajneri i skuadrës nga Podujeva, Tahir Batatina përmes një postimi në rrjetet sociale.

“Pasi po e mbyllim afatin kalimtar të janarit, dua t’i falenderoj të gjithë ata që bashkëpunuan me mua dhe të gjithë futbollistët e ardhur që i besuan projektit tim. Kam arritur të sjell në skuadër futbollistë shumë cilësor duke kaluar karrierën në fëmijëri në skuadrat e mëdha evropiane dhe jam shumë krenar me të gjithë ata që bashkëpunova dhe sidomos me familjet e futbollistëve që i besuan projektit tim dhe të skuadrës së K.F. Llapit. Ëmbëlsirën e kemi ruajtur për fund dhe këtë do ta shihni pas orës 00:00.” thuhet ndër të tjera në njoftimin e Batatinës.