Investimet kapitale kanë përplasur sërish Lidhjen Demokratike të Kosovës me partinë në pushtet, Vetëvendosje, shkruan Gazeta10.

Zyrtarë të kësaj partie kanë reaguar sërish ndaj deklaratës së ministrit të Financave, Hekuran Murati sa i përket pakove ekonomike të ndara nga Qeveria.

“Qeveria po e pranon publikisht dështimin me investime kapitale”, ka shkruar në llogarinë e tij në Facebook, kryetari i Komunës së Vushtrrisë, Xhafer Tahiri.

Sipas tij, pa investime kapitale nuk ka as zhvillim ekonomik, dhe se për këtë e gjithë Kosova po e sheh paaftësinë e Qeverisë, në mungesë të projekteve kapitale.

“Nga 53 milionë euro për armatim e pajisje për ushtri, kjo Qeveri i ka shpenzuar vetëm pak mbi 2 milionë, edhe ky është fakt. Nga 5 milionë euro për çerdhe, 0 euro janë shpenzuar, asnjë çerdhe nuk është filluar të ndërtohet këtë vit, e lëre më të përfundohet. 150 projekte kapitale nuk kanë filluar fare në Ministri të infrastrukturës. Mbi 40 projekte nuk kanë filluar fare në Ministri të Arsimit. Mbi 100 projekte nuk kanë filluar fare në Ministri të Kulturës”, ka shkruar mes tjerash Tahiri. /Gazeta10

Postimi i plotë: