Gazeta10

Tahiri: Ta bëjmë së bashku ligjin për mediat e lira

Kuvendi i Kosovës, pas seancës së jashtëzakonshme, që i është kushtuar gjenocidit në Srebrenicë, ka vazhduar seancën plenare, ku u diskutua për pikat e rendit të ditës, mes tyre edhe për projektligji për mediat e lira.

Në fillim të seancës ka marrë fjalën shefi i Grupit Parlamentar të PDK-së Ableard Tahiri, i cili propozoi një mocion procedural, që sipas tij kërkon ndryshimin e rendit të ditës të kësaj seance.

“Si Grup Parlamentar kërkojmë që përmes një rezolute ta obligojmë Qeverinë e Kosovës për tërheqjen e tri projektligjeve, që ne vlerësojmë që janë në kundërshtim me frymën kushtetuese”, deklaroi Tahiri.

Ai shtoi se si opozitë nuk duan ta kenë betejën politike në këto tri projektligje, teksa tha se së bashku mund ta bëjnë ligjin, sidomos në ligjin cenon fjalën e lirë dhe mediat e lira në vendin tonë.

Edhe deputetja Blerta Deliu propozoi një mocion tjetër. Ajo kërkoi të votohet që si pikë e parë e rendit të ditës të diskutohet për tri arratisjet e fundit nga burgjet e shtetit.

Deliu tha se dikush duhet të japë përgjegjësi për këtë dhe prandaj tha se kërkojnë që kjo çështje të diskutohet si pikë e parë e rendit.

Përfaqësues të grupeve parlamentare të LDK-së dhe AAK-së mbështetën kërkesën e Deliut. As ky mocion nuk u përkrah nga deputetët e pozitës.

Opozita vendosi ta lëshojë sallën.

NË FOKUS

askk
Ky është numri i banorëve për secilën komunë të Kosovës
riu
Në lulen e rinisë/ I riu 24 vjeç u vra pas debatit për muzikën e lartë
vdess
Vdes aktori i njohur në moshën 46 vjeçare, dyshohet se shkaktar ishte nxehtësia
drita
Vdes aktorja e humorit Drita Duraku
faton
“Më është bërë zullum”- Faton Hajrizi shfaqet me një video, tregon arsyen e arratisjes nga burgu i Smrekonicës
faton
Faton Hajrizi lajmërohet sërish nga arratia, Sveçlës ia shan mbiemrin dhe i vë bast: Kurrë nuk mundesh me më kapë
ylli
Zbulohet vajza misterioze në krah të Ylli Limanit
vd
Vdes e reja nga Prishtina, vuante nga një sëmundje e rëndë