Shefi i Informacionit të Kanal0, Xhemaj Rexha, nga Brukseli, ka treguar për temën e mundshme gjatë takimit të Kurtit me shefin e NATO-së.

“Në takimin e kryeministrit Kurti me Stoltenberg mund të ngritet tema e prezencën së FSK-së për të operuar në veriun e Kosovës”, ka thënë ai.

Rexha ka thënë se kjo qeveri po insiston në këtë kërkesë.

“Me sa marrim vesh është se kjo qeveri insiston se në rast nevoje, pjesëtarët e ushtrisë së Kosovës apo FSK-së të kenë prezencë në veri”.

Sa i takon takimit që pritet të ndodh nesër mes Kurtit dhe Vuçiqit, Xhemaj ka thënë se takimi  nuk ka ndodhur më herët meqë s’ka pasur gadishmëri të liderëve në Kosovë dhe Serbi.

“Ka pasur disa herë përpjekje për t’i sjellur të dy liderët këtu në Bruksel për tu takuar kokë më kokë por për shkak të zhvillimeve të ndryshme dhe mosgadishmërisë së dyja palëve kjo nuk ka ndodhur”, ka shtuar më tej Rexha.

Ai ka dhënë edhe informacione lidhur me vendin dhe kohën e takimit.

“Takimi do të nis në orën 10:30 minuta në zyret e z.Borell. Ka pritje të ndryshme sa i takon takimit nesër”, ka thënë më tej Rexha.  / Gazeta10