Të paktën 41 persona kanë vdekur dhe 45 të tjerë janë plagosur pas shpërthimit të një zjarri të shkaktuar nga një defekt elektrik në një kishë të mbushur me njerëz të një lagje të Kajros së Madhe, raporton The Guardian, transmeton Gazeta10.

Burimet e sigurisë thonë se shumica e të vdekurve nga ky shpërthim i zjarrit janë fëmijë.

Rreth 5,000 njerëz ishin mbledhur në kishën kopte Abu Sifin në Imbaba, Giza, për shërbesat e mëngjesit të së dielës.

Flakët dhe tymi bllokuan në hyrje të kishës duke shkaktuar një shtypje të turmës, thanë më tutje burimet e sigurisë.

Disa njerëz u hodhën nga katet më të larta në përpjekje për të shpëtuar, thanë dëshmitarët. /Gazeta10