Kosova ka barazuar sërish. Barazimi i dytë rresht erdhi ndaj Ishujve Faroe me rezultat 1:1. Në këtë ndeshje spikati Uran Bislimi me golin tejet të bukur që shënoi.

Kombëtarja e Kosovës sot në “Fadil Vokrri” zhvilloi ndeshjen e radhës miqësore dhe të fundit për këtë vit kalendarik, duke u ndeshur ndaj Ishujve Faroe në praninë e një numri vërtet të vogël shikuesish.

Në këtë takim përzgjedhësi Giresse u dha hapësirë kryesisht lojtarëve që nuk kanë pasur minutazh në ndeshjen e parë që u zhvillua të mërkurën ndaj Armenisë, e që përfundoi 2:2.