Republikani Donald Trump ka arritur 270 votat elektorale që ia sigurojnë fitoren në garën për Shtëpinë e Bardhë.

Trump pritet të rikthehet në Shtëpinë e Bardhë katër vjet pas largimit nga ajo si presidenti i 47-të i SHBA-ve.

Sipas projeksionit të CNN, Trump ka aktualisht 276 vota elektorale, ndërsa Harris ka mbetur në 219.

Ishte Wisconsin shteti që vulosi fitoren e Trumpit.

Ai në një fjalim para mbështetësve sot ka thënë se ka siguruar një “fitore madhështore” derisa është shprehur kjo do të jetë “epoka e artë” e Amerikës.

“Kjo është një fitore madhështore për popullin amerikan, që do të na lejojë ta bëjmë Amerikën përsëri të madhe,” shton ai, duke përdorur sloganin dhe frazën e tij të fushatës.

Trump, 78 vjeç, do të bëhet gjithashtu ish-presidenti i dytë në histori që fiton përsëri Shtëpinë e Bardhë pasi humbi një ofertë për rizgjedhje ndërsa ishte në detyrë – Para tij këtë e kishte arritur Grover Cleveland. Trump tani është në të njëjtën moshë që Biden ishte kur u bë presidenti më i vjetër në historinë e SHBA-së që u inaugurua.