Nesër luhet super përballja Bayern Munich – Real Madrid në gjysmëfinalen e Ligës së Kampionëve, me fillim nga ora 21:00 në ‘Allianz Arena’.

Duke folur për mënyrën se si ai planifikon t’i qaset ndeshjes kundër Real Madridit, trajneri i Bayern, Thomas Tuchel tha: “Kjo varet nga taktika, fati, por edhe nga të qenit i lirë. Taktikat janë gjithmonë një mjet. Është si një makinë, por ne jemi ata që e ngasim atë.

“Lojtarët gjithashtu kanë ide të caktuara gjatë një ndeshjeje dhe ata duhet të ndjejnë lirinë për t’i kaluar ato në fushën e lojës.

“Duhet një përzierje e fatit, momenteve dhe cilësisë për të eliminuar një ekip të nivelit të Real Madridit. Dhe nëse fati duhet të sfidohet, ne do ta sfidojmë atë,” tha shefi i Bayernit.