Në emisionin “Mëngjesi me Arben Ahmetin”, kryetari i Klinës, Zenun Elezaj, ka folur rreth problemit të ujërave të zeza në Gllarevë, raporton Gazeta10.

Elezaj ka thënë se është i njoftuar për problemin por zgjidhja e tij nuk është nën kompetencën e komunës.

“Unë hulumtova problemin. Kam pasur një shkrim pardje nga një qytetar për një bllokim të kanalizimit në një lagje të Gllarevës sepse rrjeti i kanalizimit është shtrirë komplet. Por siç dihet me kanalizimin menaxhon kompani rajonale Hidrodrini që nuk është komuna. Menjëherë pasi e kam marrë shqetësimin e kam adresuar tek drejtori i shërbimeve publike dhe besoj që së shpejti do të dalin në teren”, ka thënë ai.

Tutje, i pari i Klinës, Elezaj, ka thënë se nëse nuk do ketë reagim nga kompania, do të reagojnë ata brenda kapaciteteve që kanë.

“Nëse nuk do të ketë reagim nga ata do të ketë reagim nga ana jonë me mundësitë tona buxhetore” . /Gazeta10