Presidenti ukrainas Volodymyr Zelensky ka reaguar pas shpalljes së urdhër-arrestit të Gjykatës Ndërkombëtare Penale për presidentin rus Vladimir Putin duke e quajtur atë si një “vendim historik, nga i cili do të fillojë përgjegjësia historike.

Zelensky ka thënë se Putin dhe komisionerja e fëmijëve Maria Lvova-Belova janë bërë zyrtarisht të dyshuar për një krim lufte.

Gjykata Ndërkombëtare e Krimeve nuk ka kompetenca për të arrestuar të dyshuarit dhe mund të ushtrojë juridiksion vetëm brenda vendeve që janë nënshkruar në marrëveshjen që krijoi gjykatën.

Rusia nuk është nënshkruese e asaj marrëveshjeje – kështu që nuk ka gjasa që as të ekstradohet.

Kujtojmë se Rusia e ka hedhur poshtë vendimin e GJNP-së , duke e përshkruar si të egër dhe të papranueshëm. /Gazeta10/