Raporti: Arbenita Ilazi/Kanal10

Familja Thaçi nga Caralluka e Malishevës ka hapur dyert për të pame, për varrimin e të birit Shaip Thaçi, i cili humbi jetën pas goditjes nga një veturë, derisa po kalonte rrugën në Veterrnik. Ndërkaq, në ceremoninë e varrimit, familja e tani të ndjerit ia shtrirë dorën e pajtimit familjes Halili nga Podujeva. Të njëjtit, u kanë bërë thirrje institucioneve që të bëjnë sa më shpejtë një zgjidhje për atë rrugë.

Kalimi i rrugës në Veternik të Prishtinës, ishte fatal për Shaip Thaçin nga fshati Carallukë i Malishevës.

Pasi është goditur nga një veturë, 48-vjeçari ka humbur jetën në vendngjarje.

Një ditë pas këtij aksidenti tragjik, familja ka hapur dyert për ngushëllime.

Familjarët kanë treguar momentet e fundit me tani të ndjerin.

Familjarët u kanë bërë thirrje institucioneve të Kosovës që të mundësojnë mbikalimet për këmbësorë, pasi sipas tij, për shkak të neglizhencës po rritet numri i vdekjeve në atë pjesë.

Ndërkohë, të shtunën, dhjetëra qytetarë kanë marr pjesë në ceremoninë e varrimit të 48-vjeçarit.

Të pranishëm kanë qenë edhe familjarët e shoferit, që ka goditur për vdekjen viktimën, pasditen e së premtes.

Aty familja Thaçi ka zgjatur dorën për t’ia falur gjakun familjes Halili nga Podujeva.

Kosova vazhdon të ketë numër të lartë të viktimave që humbin jetën nga aksidentet në trafik./Gazeta10