Një person ka humbur jetën sot në fshatin Dumnicë të Podujevës. Këtë e ka konfirmuar për Gazeta Blic zëdhënësja e Policisë, Flora Ahmeti, e cila ka thënë se vdekja e tij është konstatuar pas daljes në vendin e ngjarjes të Policisë dhe ekipit mjekësor.
Ajo ka shtuar se rasti është duke u hetuar në koordinim me prokurorin e shtetit.
“Sot rreth orës 18:00, kemi marrë informatën për një person të lënduar, në fshatin Dumnicë të Podujevës. Menjëherë pas marrjes së informatës në vendin e ngjarjes kanë dalë njësitet e nevojshme policore dhe ekipi mjekësor, të cilët kanë konstatuar vdekjen e viktimës. Aktualisht zyrtarët policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast”, ka thënë Ahmeti.