Futbollisti kosovar, Vedat Muriqi, është solidarizuar me popullin turk dhe sirian, pas tërmeteve vdekjëprurëse në këto vende.

Muriqi ka dhuruar 15,000 euro donacion për të prekurit nga ky tërmet.

Muriqi, i cili për disa vite ishte në Superligën e Turqisë, u ka uruar shërim të shpejtë të gjithë të lënduarve.

“Dhimbja që përjetojmë është e papërshkrueshme. Lutjet e mia, zemra ime është me të gjithë të prekurit nga tërmeti. Shërim sa më të shpejtë për të gjithë. Zoti i mëshiroftë ata që humbën jetën, të lënduarve u uroj shërim të shpejtë”, shkroi ai një ditë më parë në rrjetin social “Twitter”.

28-vjeçari kishte luajtur në futbollin turk gjatë viteve 2014-2020, te skuadrat si Giresunspor, Genlerbirligi, Çaykur Rizespor dhe Fenerbahçe.