Egzon Pacolli, sekretar i përgjithshëm i Forumit të Rinisë së LDK-së, ka publikuar një video, përmes së cilës tregon për shkeljet në Ministrinë e Bujqësisë, që udhëhiqet nga ana e Faton Pecit.
Në video, Pacolli thotë se vëllai i Fitore Pacollit, deputete e VV-së, Blerimi, ka përfituar grant prej 100 mijë eurosh nga Ministria e Pecit.
Për këtë ka reaguar anëtari i kryesisë së AAK-së, Daut Haradinaj. Ai tha se është tepër shqetësues “guximi i ministrave që në formën më brutale po e shkatërrojnë buxhetin e taksapaguasve.”
“Brenda një jave hapë biznes dhe përfiton mijëra euro me lidhje të shkurtëra, Ministër-Deputet. Kjo thjesht i bie që 588 rroga të veteranëve t’i jepen një familjari të VV-së.”, ka shkruar Haradinaj.
Anëtari i LDK-së ka publikuar edhe dokumente të dhënies së grantit nga ministria e Bujqësisë.
Pacolli ka rikujtuar edhe fjalimin e Kurtit ku thoshte se familjarët janë vetëm për dasma dhe ka bërë thirrje që Prokuroria të merret me rastin.
“Familjarët janë veç për dasma, thoshte Lëvizja Vetëvendosje para se me ardhë në pushtet. Ama, deputetja Fitore Pacolli e ka shpërbly vëllaun me grant gati 100 mijë euro, prej ministrisë së bujqësisë”, ka shkruar ai.
Tutje, në video, Pacolli tregon se biznesi që përfitoi ishte regjistruar vetëm katër ditë më parë në ARBK.
Gazeta 10 është pjesë e Java Multimedia Production, që ka në pronësi edhe Kanal10 dhe Radio10.
Gazeta 10 është portal informativ që udhëhiqet nga gazetarë me përvojë dhe angazhohet për gazetari cilësore e profesionale, në kërkim të lajmit të fundit, kudo në Kosovë dhe jashtë saj.
Materialet e Gazeta10 mund të rishpërndahen duke e cituar drejt burimin.
Email: [email protected]
Gazeta10, © 2025 Të gjitha të drejtat e rezervuara.
