Një person e ka humbur jetën si pasojë e një vetaksidenti me fatalitet në autostradën “Ibrahim Rugova”.

Rastin e ka konfirmuar zëdhënësi i policisë Daut Hoxha. Ai tha se lëndime ka pësuar edhe një person, i cili është dërguar për trajtim mjekësor.

“Është shkaktuar një vetaksident trafiku ku si pasojë e humbjes se kontrollit mbi drejtimin e një kamionete ka humbur jetën drejtuesi i saj mashkull kosovar. Po ashtu lëndime trupore ka pësuar edhe pasagjeri i cili është dërguar në trajtim mjekësor. Me vendim të prokurorit trupi i pajetë është dërguar në obduksion. Ekipet relevante janë marrë me rastin. Policia apelon per vigjilencë më të madhe nga të gjithë shoferët gjatë drejtimit te automjeteve dhe respektim të shenjave në rrugët e vendit”, deklaroi Hoxha.