Lëvizja Vetëvendosje ka marrë 28 vota më pak nga mërgata, krahasuar me zgjedhjet parlamentare të mbajtura në vitin 2021.

Në vitin 2021, VV kishte marrë nga mërgata 44 mijë e 252 vota, teksa sivjet ka marrë 44 mijë e 224 vota.

Në zgjedhjet e para katër vitesh, mërgata ka mundur të votojë vetëm përmes postës, teksa në zgjedhjet e këtij viti ka qenë mundësia e votimit edhe nëpër përfaqësi diplomatike, edhe përmes postës. Nga votimi nëpër përfaqësi diplomatike, VV ka marrë 12 mijë e 261 vota e nga votimi përmes postës 31 mijë e 963 vota./Reporteri