Gazeta10

Vuçiq për mediumin propagandues pro-serb: Kurti është pasardhësi më i mirë i politikës së Enver Hoxhës

Presidenti i Serbisë, Aleksandar Vuçiq e ka quajtur kryeministrin e Kosovës, Albin Kurti, “pasardhësin më të mirë të politikës së Enver Hoxhës”.

Duke folur për mediumin propagandues pro-serb në Nju Jork, The Pavlovic Today, Vuçiq tha se beson që Kurti nuk do ta kthejë prapa vendimin për ndalimin e dinarit, ndonëse aleatët kryesorë kyç të Kosovës ia kanë kërkuar tij të tërhiqet nga vendimi.

“Kurti shpreson të fitojë shumë në zgjedhjet që do t’i thërrasë shumë shpejt. Dhe kjo është ideja e tij. Kurti ideologjikisht është diku tetëdhjetë vite më parë, si pasardhësi më i mirë i politikës së Enver Hoxhës, një anarkist, marksist, ideologjikisht shumë i fortë kundër Serbisë. Asnjë kompromis. Kompromisi është fjalë e keqe për të. Nuk ka koncesione, dhe ai do të vazhdojë të punojë kundër popullit serb për t’i dëbuar të gjithë nga Kosova. Nuk e kam asnjë dyshim për këtë. E di se ky është objektivi i tij kryesor dhe përfundimtar”, tha presidenti serb në një intervistë për gazetaren serbo-amerikane, Ksenija Pavlovic.

Vuçiq tha se ka biseduar me ndihmëssekretarin e Shtetit për Evropën dhe Azinë, James O’Brien lidhur me shitjen nga ShBA-ja të raketave anti-tank Javelin në Kosovë.

“Sa i përket Javelinëve, e diskutova me Ndihmës Sekretarin e Shtetit për Çështjet Evropiane dhe Euroaziatike, zotin O’Brien dhe të gjithë të tjerët. Ata e morën vendimin edhe para se të ndodhte Banjska. Epo, ky është vendimi i tyre”, u përgjigj Vuçiq.

“Ata e dinë që ne kemi automjete të blinduara shumë të forta, njësi ushtarake dhe gjithçka tjetër. E bënë me qëllim. Ky është vendimi i tyre, me të cilin ne nuk pajtohemi”, tha Vuçiq.

NË FOKUS

gresa
Gresa Behluli flet për gjendjen shëndetësore të babait të saj që u godit nga një veturë
shkurtja hajrushi
Burri i Shkurte Fejzës goditet nga një veturë
ermal
“Po lajmëroj largimin tim…”, Ermal Fejzullahu habit me postimn e fundit
gresa
Gresa Behluli del me një njoftim të rëndësishëm pasi babai i saj u godit nga një veturë
policia-naten-1-600x347-1
Rast tragjik në autostradën ‘Arbën Xhaferi’: Kjo është e reja që u gjet pa shenja jete
hajrush shkurte
Spitali i Prizrenit deklarohet rreth gjendjes shëndetësore të burrit të Shkurte Fejzes
ajazi
Dy muaj pasi humbi fëmijën, ndërron jetë drejtoresha e Dhomës Ekonomike të gruas
reagimi-Behluli
Burri i Shkurte Fejzës i reagon ashpër Shefqet Krasniqit, e quan atë psikopat