Presidenti serb, Aleksandar Vuçiq i ka quajtur bisedime të vështira diskutimet që e presin me kryeministrin e Kosovës, Albin Kurtin vetëm një dië më pasë, raporton Gazeta10.

Pas takimit të përbashkët me sekretarin e përgjithshëm të NATO-së, Jens Stoltenberg, presidenti serb deklaroi se Serbia do që të shmangë çdo mundësi të përshkallësimit të situatës në very të Kosovës.

Vuçiq madje theksoi se Ushtria e Serbisë e as Policia nuk janë futur në asnjë moment brenda kufijve të Kosovës.

“Serbia është një vend neutral ushtarakisht dhe do të mbetet i tillë. Historia jonë nuk është e lehtë, por ne duam të forcojmë bashkëpunimin me KFOR-in dhe NATO-n dhe të shmangim përshkallëzimin e konfliktit. Mendojmë se nuk kemi shkaktuar asnjë provokim, por e kuptoj se ne nga Ballkani jemi ngopur me të gjithë në Bruksel”, tha Vuçiq. /Gazeta10