Lëvizja Vetëvendosje ende pa kaluar as 24 orë nga publikimi i përgjimeve ku protagonist ishte shefja e grupit parlamentar të VV-së Mimoza Kusari dhe Lista Serbe, ka publikuar një video ku e ka sulmuar opozitën dhe ish presidentin Thaçi i cili është që tri vite në Hagë.

Përmes kësaj videoje propaganduese, VV thotë se LDK, PDK, AAK dhe AKR kishin nënshkruar në atë kohë aministimin e kriminelëve serbë, ku pikërisht në ditën e Masakrës së Srebrenicës patën votuar pro 91 deputetë.

Në video kanë publikuar pamje të protestave kundër këtij ligji të mbajtura atë ditë nga VV e shoqëria civile.

Në fund, VV përmes kësaj video thotë se tani shumë nga ata kriminelë serbë janë arrestuar dhe se ka rend dhe ligj edhe në veri, me Qeverinë Kurti./Gazeta10