Njohësi i çështjeve juridike, Bardhyl Hasanpapaj, i ftuar në emisionin Politiko, theksoi se dështimi i zgjedhjes së presidentit ka një pasojë të vetme: shpërndarjen e Kuvendit.

“Deshton zgjedhja e presidentit ka vetëm një pasojë, shpërndarjen e Kuvendit. Kështu thuhet në vendimin 72.20, diku paragrafi 384. E konfirmon edhe Gjykata Kushtetuese: nëse Kuvendi dështon të zgjedhë presidentin, nuk ka alternativë tjetër, ” tha Hasanpapaj.

Ai bëri të ditur se një person që ushtron detyrën e presidentit në mënyrë të përkohshme (u.d. president) mund ta ushtrojë atë funksion vetëm për gjatë gjashtë muajve.

Ndryshe, Gjykata Kushtetuese ka vendosur masë të përkohshme ndaj dekretit të Presidentes Vjosa Osmani, lidhur me shpërndarjen e Kuvendit.

Nga data 9 mars e deri më 31 mars, Kushtetuesja ua ndalon çdo veprim Kuvendit dhe Presidentes lidhur me zgjedhjen e Presidentit të ri.