Sulmuesi i Chelseat, Armando Broja, ende është duke e vuajtur lëndimin e rëndë të gjurit.

21-vjeçari u lëndua në miqësoren kundër Aston Villas më 11 dhjetor, pas përplasjes që e pati me mbrojtësin Ezri Konsa.

Reprezentuesi i Shqipërisë asnjëherë nuk është përballur me lëndim të një shkalle kaq të lartë, por po synon që të kthehet para nisjes së sezonit të ri, ka shkruar të enjten “Evening Standard”.

Broja në 18 ndeshjet e këtij sezoni pati një gol të shënuar e një asistim.

Broja iu bashkua ekipit të parë të Chelseat në verën e vitit 2022, pas rikthimit të tij nga huazimi tëk skuadra tjetër angleze, Southampton.

Sulmuesi shqiptar ka kontratë me “Blutë e Londrës” deri në verën e vitit 2028.