Albion Rrahmani me shumë gjasë po kalon sezonin e fundit në futbollin kosovar.

Forma e mirë e Rrahmanit këtë edicion në Superligë, ku rënë në sy të disa skuadrave të njohura evropiane, të cilat kanë shprehur gatishmërinë për transferimin e tij.

Mediat kroate raportojnë se gjiganti kroat, Dinamo Zagreb është duke e monitoruar situatën e sulmuesit nga Malisheva dhe synon trasnferimin e tij në verë.

Rrahmani këtë edicion ishte golashënuesi më i mirë i Superligës së Kosovës, me 21 gola të realizuara.

22-vjeçari është pjesë e Ballkanit që nga viti 2021, ku u transferua nga skuadra e Malishevës.

Në dy edicionet e kaluara në Suharekë, Rrahmani është shpallur dy herë kampion në elitën e futbollit kosovar.

Ai ka kontratë me Ballkanin deri në vitin 2024 dhe vlera e tij në treg është rreth 350 mijë euro.