Chelsea e ka refuzuar edhe ofertën e tretë të Manchester Unitedit për mesfushorin anglez, Mason Mount.

Oferta e tretë e “djajve të kuq” për Mountin ishte rreth 64 milionë euro, ndërsa “blutë” kanë kërkuar rreth 76 milionë euro për futbollistin.

Sipas raportimeve të mediave angleze, ka qenë edhe oferta e fundit e Manchester Unitedit në tentimin për transferimin e Mountit.

Ata kanë thënë se do të tërhiqen nga bisedimet për transferimin e tij.

24-vjeçari Mount në edicionin e kaluar zhvilloi vetëm 35 paraqitje në të gjitha garat, pasi u përball edhe me shumë lëndime.

Shënoi tri gola dhe kontribuoi me gjashtë asistime.