Alejandro Balde është zbulimi i sezonit të kaluar te Barcelona, me mbrojtësin që shkëlqeu shpejtë dhe zuri vend në formacionin bazë të katalunasve.

Mbrojtësi i majtë tani është blindur me kontratë të re te Barcelona dhe do të mbetet gjatë në këtë klub.

Gjiganti kataluans ka njoftuar ditën e sotme se kanë vazhduar kontratën me Balden deri në verën e vitit 2028, derisa nënshkrimi do të bëhet të enjten.

19-vjeçari ka edhe një klauzolë të re te Barcelona dhe ajo skuadër që dëshiron transferim e tij duhet të paguaj 1 miliard euro.

Barça ka njoftuar se Balde të enjten do të nënshkruajë zyrtarisht kontratën dhe do të mbajë një konferencë për shtyp.

Reprezentuesi spanjoll ka zhvilluar 56 ndeshje zyrtare me katalunasit ku ka shënuar një gol dhe ka asistuar në shtatë të tjerë.