Kombëtarja Shqiptare po avancon kundër Republikës Çeke pas 45 minutave të para në ndeshjen që po luhet në “Air Albania”.

“Kuqezinjtë” kaluan në epërsi pas nëntë minutave lojë, kur Jasir Asani me një goditje nga largësia e dërgoi topin në rrjetë.

Çekia mbeti me një lojtar më pak në fushë në minutën e 39-të, kur Mojmir Chytil u përjashtua nga loja me karton të kuq.

Një fitore eventuale në këtë ndeshje do ta afronte Shqipërinë edhe më shumë në Europianin që do të zhvillohet vitin e ardhshëm në Gjermani.