Dita e sotme sjellë për futbolldashësit xhiron e 19-të të Superligës së Kosovës në futboll. 

Fokusi kryesor i ditës së sotme do të jetë në Gjilan, aty ku përballen dy skuadrat me pikë të njejta në tabelë. 

Drita do të jetë nikoqire e Llapit, me ndeshjen që nis nga ora 13:00. 

Drita hyn në këtë ndeshje pas fitores në Kupë ndaj Rilindjës, teksa Llapi pasi u eliminua nga Trepça ‘89. 

Drita ka një seri prej 4 fitoresh radhazi ndaj Llapit, madje duke mos pësuar asnjë gol në këto ndeshje. 

Ndeshja tjetër e ditës së sotme luhet në Lipjan dhe vë përballë Fushë Kosovën e Gjilanin. 

Gjilan udhëton për këtë takim pasi u mposht në Kupën e Kosovës nga Prishtina pas penaltive. 

Ndërkohë, Fushë Kosova ka pasur gjithë kohën e botës të përgatitet për këtë ndeshje, andaj do të jetë kafshatë e vështirë për skuadrën bardhekuq. 

Edhe kjo ndeshje nis nga ora 13:00.