Starti i sezonit 2024/25 në Superligën e Kosovës po del të jetë shumë interesant.

Të gjitha skuadrat janë përforcuar shumë, teksa pritet konkurrencë e fortë për titullin kampion dhe daljen në arenën ndërkombëtare.

Pas gjashtë xhirove, vetëm skuadra e Feronikelit ’74 ende nuk ka arkëtuar asnjë pikë.

Skuadra e Drenasit pati një ristrukturim të skuadrës dhe parapërgatitjet për sezonin e ri i nisi me vonesë.

Kjo si duket ka ndikuar edhe në mungesën e rezultateve deri më tani këtë edicion.

Në xhiron e parë Nikli u mposht 2-1 nga Ferizaj, që është edhe e vetmja fitore për “Ujqit” këtë edicion.

Më pas në ndeshjen e parë në shtepi, skuadra nga Drenasi pësoi nga Llapi i Tahir Batatinës me shifrat 0-2.

Humbja 3-1 nga Ballkani në raundin e tretë i kushtoi me shkarkim trajnerit Shefki Kuqi.

Si pasues i Kuqit te Nikli erdhi trajner italian, Giovanni Colella.

Por as ardhja në krye e trajnerit italian nuk i bëri punë skuadrës nga Drenasi, pasi pasuan disfata e radhës nga Dukagjini, Gjilani dhe Suhareka.

Xhiron e ardhshme Feronikeli do të jetë nikoqir i skuadrës së Malishevës.

Vitin e kaluar, Feronikeli ;74 siguroi mbijetesën përmes barazhit, por si duket këtë vit do të jetë shumë e vështirë të sigurohet mbetja në elitë.