Teksti: Albina Kastrati

Në fillim të vitit 2021 deri në muajin e parë të vitit 2022, Rusia vendosi masa ushtarake përreth Ukrainës duke përfshirë edhe Bjellorusinë fqinje. Organizata e Traktatit të Atlantikut të Veriut (NATO) akuzoi Rusinë se po përgatitet për një pushtim të Ukrainës, gjë që qeveria ruse në atëkohë e mohoi.

Më pas presidenti rus Vladimir Putin, kritikoi zgjerimin e NATO-s dhe kërkoi që Ukrainës t’i ndalohet anëtarësimi në këtë aleancën ushtarake.

Ai gjithashtu shprehu pikëpamjet irredentiste ruse dhe vuri në dyshim të drejtën e Ukrainës për të ekzistuar, duke deklaruar në mënyrë të rreme se shteti ukrainas u krijua nga Vladimir Lenini nën Bashkimin Sovjetik.

Më 21 shkurt 2022, Rusia njohu zyrtarisht Republikën Popullore të Donetskut dhe Republikën Popullore të Luhanskut dhe dërgoi haptazi trupat ruse në territoret e kontrolluara nga separatistët e Ukrainës. Tre ditë më vonë, Putin u shfaq në një transmetim televiziv dhe njoftoi fillimin e një “operacioni special ushtarak” në Ukrainë, duke sinjalizuar fillimin e pushtimit të plotë të Rusisë në shtetin ukrainas.

Deri më tani, Reuters ka mbledhur statistika sa i përketë humbjeve fatale dhe dëmeve materiale të shkaktuar nga lufta ende e pranishme në Ukrainë.

Rreth 29.916 njerëz të vdekur, të paktën 53.616 njerëz me lëndime jo vdekjeprurëse, përafërsisht 14 milion njerëz të zhvendosur, 140,000 ndërtesat e shkatërruara dhe përafërsisht 350 miliardë dollar dëmtime prone./Gazeta10.