Në zhvillimet e fundit politike, po shtohen kritikat ndaj qëndrimit të Lidhjes Demokratike të Kosovës dhe kryetarit të saj, Lumir Abdixhiku, lidhur me marrëveshjen për tejkalimin e krizës institucionale.

Kritikët vlerësojnë se një mundësi e tillë nuk duhet të humbet për shkak të qëndrimeve individuale të një grupi të vogël deputetësh.

“Po e humbin një mundësi të tillë për teke individuale të 6 deputetëve”, është shprehur një nga qëndrimet e fundit, duke kritikuar vendimin për të mos mbështetur marrëveshjen.

Sipas këtij qëndrimi, Kosova nuk ka nevojë për një tjetër përplasje politike dhe as për zgjedhje të reja, por për një zgjidhje që do t’i jepte fund ngërçit institucional.

“Deri në momentin e fundit do të bëj përpjekje për vota. Do të jem deri në fund aty. Besoj në këtë marrëveshje”, është deklaruar më tej, duke lënë të hapur mundësinë për një marrëveshje deri në momentin e fundit.

Nëse marrëveshja dështon, vendi mund të përballet sërish me një situatë të pasigurt politike dhe me mundësinë e rikthimit te zgjedhjet./Gazeta10