Ndryshe prej transmetimeve të kaluara, Politiko këtë javë vjen me një atmosferë tjetër.

Direkt nga Prizreni, atje ku po mbahet Rock & Blues Festival, si më i madhi në trevat shqiptare.

Gazetari dhe moderatori i këtij programi, Kushtrim Sadiku përgjatë transmetimit atje do të sjell edhe intervista e detaje eksluzive.

Artistë të shumtë vendor e ndërkombëtar pritet ta elektrizojnë skenën për të gjithë artdashësit e këtij zhanri muzikor.

E detaje rreth organizimit ndau Hekuran Gashi, i cili në prononcim për televizionin Kana10, Prizrenin mes tjerash, e cilësoi si qyteti i lidhjes së rokerëve.

“Prizreni njihet për lidhjen e shqiptarëve por tash njihet edhe lidhjen e rokerëve që i mbledhim në Prizren. Sot fillojmë me shumë krenari e përgjegjësi edicionin e tretë të festivalit, për të cilin është bë shumë punë. E fillojmë me super bende, Këtë vit jemi kujdes që nata e parë me qenë bombastike“, tha Gashi mes tjerash, teksa detaje tjera pritet të publikohen gjatë natës.