Kryeministri i Kosovës njëkohësisht edhe kryetari i Lëvizjes Vetëvendosje, Albin Kurti, strukturat e reja të zgjedhur sot në Lëvizjen Vetëvendosje i ka konsideruar si mundësi për organizim dhe emancipim, raporton Gazeta10.

Kurti ka njoftuar se në mbledhjet e para të Gratë për Vetëvendosjen dhe Rinia për Vetëvendosjen janë zgjedhur organet vendimarrrëse.

Më tej, Kurti ka thënë se gratë dhe rinia janë shumica e Vetëvendosjes.

Ai ka uruar të zgjedhurit për punë të mbarë.

Kurti ka folur edhe për atë se si këto organizata do ta ndihmojnë ndryshimin në vend.

Këtu keni statusin e plotë:

“Struktura të reja për mundësi shtesë në organizim e emancipim. Gratë për VETËVENDOSJE! dhe Rinia për VETËVENDOSJE!, në mbledhjet e para të tyre të Këshillit të Përgjithshëm, sot zgjodhën organet vendimmarrëse. Dy organizata që do ta rrisin politikën barazimtare dhe do ta shtojnë vendosmërinë për Lëvizje të gjerë e gjithëpërfshirëse. Gratë e rinia janë shumica jonë. Na duhet pjesëmarrje aktive e të dyja këtyre. U uroj secilës e secilit punë të mbarë drejt synimit për më shumë drejtësi e demokraci shoqërore.

Dy organizatat që i janë shtuar Lëvizjes sonë e bëjnë atë infrastrukturë të sigurt për ndryshimet progresiste në Republikën tonë.

Në vijim i gjeni dy adresimet e mia:

https://www.vetevendosje.org/fjala-e-kryetarit-kurti-ne…/

https://www.vetevendosje.org/fjala-e-kryetarit-kurti-ne…/”, ka shkruar Kurti në llogarinë e tij në Facebook. / Gazeta10