Deputeti i Partisë Demokratike të Kosovës, Enver Hoxhaj, i ftuar sonte në emisionin “Adresa” në Kanal10, riktheu kujtimet nga 17 shkurti i vitit 2008, dita historike kur Kosova shpalli pavarësinë.

Hoxhaj tregoi se për çdo përvjetor të pavarësisë ka vendosur të qëndrojë njësoj, kushtuar momentit, duke përdorur të njëjtat rroba që i kishte veshur në ditën kur shpalli pavarësinë.

“Është nënshkrim ku unë kam pasur kontribut direkt në fazën finale të kësaj pavarësie, dhe më ka bërë që sot e kësaj dite të qëndroj i kushtuar, sikurse kam ardhur tek ju me të njëjtat rroba me të cilat e kam shpallur pavarësinë. Edhe këpucat i kam të ditës se pavarësisë, të cilat më duken se po më bien pak të ngushta,” tha Hoxhaj, duke rikujtuar emocionin dhe rëndësinë e momentit historik.