Deputetja e LDK-së, Jehona Lushaku, ka reaguar ndaj Lëvizjes Vetëvendosje, duke e kritikuar për qasjen e saj politike dhe zhvillimet e fundit institucionale.

Lushaku ka thënë se është “tragjike” që një parti fituese e zgjedhjeve, sipas saj, nuk është në gjendje të gjejë zgjidhje politike pa shkelur Kushtetutën.

“Është tragjike të kemi një parti fituese (VV), që nuk është në gjendje të gjejë zgjidhje politike pa e shkelë Kushtetutën”, ka shkruar Lushaku.

Ajo e ka cilësuar VV-në si një parti me fuqi elektorale, por pa potencial politik, duke e akuzuar për qasje destruktive.