Një grup qytetarësh nga Turqia, të ardhur në Kosovë për të ndjekur nga afër ndeshjen Kosovë-Turqi që zhvillohet sonte në stadiumin “Fadil Vokrri”, kanë tërhequr vëmendjen me deklaratat e tyre para mediave.

Gazetari i Kanal 10, Zeqir Hasani , ka raportuar nga sheshi në kryeqytet, ku ndër të tjerash u veçua një prononcim interesant nga disa prej të pranishmëve. Njëri prej tyre është shprehur:

“Shqip fol shqip. Prej Bursesë vijmë prej Turqisë. Kryetari i komunës, zëvendësi, edhe na deputetë jena. Edhe Kosova me fitu, edhe na me fitu njëjtë është për neve, problem nuk është. Kosova së fundi me taktikë ka luajtur:, tha ai.