Suedia ka urdhëruar kryerjen e hetimeve shtesë për dëmin e shkaktuar muajin e kaluar në dy tubacionet Nord Stream, tha në një deklaratë të premten prokurori përgjegjës për çështjen, shkruan Reuters, transmeton Gazeta10.

Suedia dhe Danimarka kanë arritur në përfundimin se katër rrjedhje në Nord Stream 1 dhe 2 janë shkaktuar nga shpërthime, por nuk kanë thënë se kush mund të jetë përgjegjës. Liderët botërorë e kanë quajtur atë një akt sabotimi.

“Kam vendosur së bashku me policinë e sigurisë për të kryer një numër hetimesh shtesë në vendin e krimit,” tha kryeprokurori Mats Ljungqvist.

“Forcat e Armatosura me kërkesë kanë vendosur të ndihmojnë në hetim”, shtoi ai.

Prokurori tha se forcat e armatosura kishin burimet dhe ekspertizën për të hetuar vendin e krimit “siç dëshirojmë”, por nuk pranoi të komentojë më tej.

Forcat e armatosura të Suedisë thanë këtë javë se po kryenin një hetim të pavarur të shtratit të detit rreth rrjedhjeve me minahedhës. / Gazeta10