Federata e Xhudos e Kosovës ka kujtuar sot 10-vjetorin e medaljes së parë olimpike të Kosovës, një nga momentet më të rëndësishme në historinë e sportit të vendit.

Më 7 gusht 2016, në Lojërat Olimpike “Rio 2016”, Majlinda Kelmendi, nën drejtimin e kryemjeshtrit Driton Kuka, fitoi medaljen e artë në xhudo, duke i sjellë Kosovës medaljen e parë olimpike dhe duke bërë që flamuri i shtetit të ngrihej për herë të parë në podiumin olimpik.

Sipas Federatës së Xhudos, ajo medalje ishte shumë më tepër se një sukses sportiv, pasi shënoi fillimin e një kapitulli të ri për sportin kosovar dhe u bë frymëzim për një brez të tërë kampionësh që pasuan.

“Një dekadë krenari. Një moment që nuk harrohet kurrë”, thuhet në mesazhin përkujtues të Federatës së Xhudos së Kosovës.